Sot në orën 18:00 Kuvendi do të mblidhet sërish në një seancë të jashtëzakonshme për të votuar anëtarët e komisionit ‘ad hoc’, ndërkohë që opozita do ta bojkotojë.
Në mbledhjen e një jave më parë Kuvendi miratoi vetëm 3 anëtarët e shumicës për Komisionin ‘ad hoc’ me 6 anëtarë, që do të bëjë përzgjedhjen e gjyqtarëve dhe prokurorëve për që do të bëjnë drejtësinë.
Javën e kaluar nga shumica u zgjodhën Vasilika Hysi dhe Ulsi Manja nga PS si dhe Luan Rama nga LSI, ndërsa opozita kërkon qeveri teknike më parë, që do të garantojë zgjedhje të lira, sipas saj dhe më pas Vettingu do të bëhet nga e para sipas Bashës.
Megjithatë sot, përveç komisionit me 6 anëtarë është në rendin e ditës dhe ngritja e komisionit me 12 anëtarë, 6 të propozuar mazhoranca dhe 6 opozita, por ashtu si nje jave me pare, serish pritet te deshtoje.
Rendi i ditës
1. Projektvendim “Për krijimin dhe përbërjen e komisionit ad hoc me 12 anëtarë të përzgjedhjes së kandidatëve për institucionet e rivlerësimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”.
2. Projektvendim “Për krijimin dhe përbërjen e komisionit ad hoc me 6 anëtarë të përzgjedhjes së kandidatëve për institucionet e rivlerësimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”. /b.d
