Komisionerja për Fqinjësinë dhe Negociatat, Marta Kos, u shpreh nga Mynihu se Shqipëria dhe Mali i Zi janë në radhë të parë sa i përket procesit të negociatave. Ajo u shpreh se këto dy shtetet mund të përfundojnë procesin e anëtarësimit përgjatë mandatit të saj.
Marta Kos: Nuk flas dot për këtë duke qenë se ka dallime mes vendeve në Ballkanin Perëndimor, përgjatë mandatit tim mund të sjellim dy ndoshta tri vende në ‘finishin’ e procesit të anëtarësimit. Që do të thotë të mbyllim të gjithë kapitujt e negociatave. Shtetet e Ballkanit Perëndimor, disa prej tyre, ka qenë më e lehtë të bëhen anëtare të NATO-s sesa anëtare të BE-së, ndërkohë që tashmë kemi të kundërtën me Ukrainën dhe me vende të tjera.
-Cilat janë dy prej tyre që mund t’i sillni dhe cilat janë afatet?
Marta Kos: Në bazë të parimit të meritës tashmë janë Shqipëria dhe Mali i Zi që janë në radhë të parë. Megjithatë mund të vazhdojmë të ecim me Maqedoninë e Veriut që mund të ecim shumë shpejt.
-Dhe vazhdoni t’i mbeteni afatit 2026-2027?
Marta Kos: Kjo është për Malin e Zi dhe për Shqipërinë.
