Komuniteti i Facebook sërish e kundërshton kryeministrin Edi Rama. Së fundmi, ai postoi një video në rrjetin social ‘Facebook’, në të cilën shfaqej teksa vizitonte një familje të varfër, lumë komentesh nisën në adresë të tij.
Menjëherë shumë ishin ata qytetarë që reaguan pas deklaratës së Ramës se qeveria do t’i ofronte ndihmë për ndërtimin e banesën si dhe do t’i gjente një punë kryefamiljarit. Mes shumë komenteve pikante, spikat ai i një qytetari, i cili i i sugjeron kryeministrit që qeveria t’i sekuestrojë pasuritë politikanëve dhe fondet t’u dhuroheshin të varfërve.
“Zoti Rama kjo ce beni eshte nje gje e mire, por do ishte nje veper e madhe nese fondet per keto ndihma, te vinin nga sekuestrimi i parave te cdo politikani apo punonjesi shteti nga 1990 e deri me sot ce e vodhen e vazhdojne deri sot. Dhe ti e di mire se te tille ka shume nga te gjitha krahet ke 5 vjet kryeminister dhe akome se kemi pare VEPREN,edhe sa do presim????”, shkruan qytetari.
Ndërkohë, e menjëherëshme ka qenë edhe përgjigja e Ramës, ndërsa i shpjegon qytetarit se sekuestrimet nuk i bën qeveria, por Reforma në Drejtësi.
“Ke ngaterruar kohen Agustin, s’jemi ne 1946 kur sekuestrimet i bente partia apo qeveria! Jemi ne 2018 kur po luftojme per te cuar perpara deri ne fund nje Reforme historike ne Drejtesi”, shkruan Rama, përgatiti BW.
