Dy grupet e të rinjve që u përplasën mes tyre e ku një 17 vjeçar përfundoi në spital dhe ndodhet në gjëndje kritike për jetën janë zirë për shkak të disa komenteve në rrjetin social Facebook.
Adoleshenti i plagosur, 17 vjeçari O. Hasi ka patur një sherr me bashkëmoshatarin Vilson Meta në Facebook, nëpërmjet komenteve.
Kjo ka bërë që të dy të rinjtë të mblidhnin grupet e tyre shoqërore për tu përplasur fizikisht pas orarit të mësimit.
Të dyja grupet janë takuar dhe në një rrugë dhe kanë nisur të konfliktohen me njëri-tjetrin. Vilson Meta ka goditur me levë hekuri në kokë O. Hasin, dhe e ka përplasur atë po me kokë në trotuar. Ky i fundit ka dëmtime serioze në kokë dhe ndodhet në gjendje kritike për jetën.