Shpresat e Shqipërisë nuk mundën të merrnin më shumë se një pikë në ndeshjen ndaj Islandës në “Elbasan Arena” edhe pse i kishim mundur në ndeshjen e parë 2-3 në transfertë.
Skuadra e drejtuar nga trajneri Alban Bushi e pati gjatë gjithë kohës lojën nën kontroll, por nuk mundi të realizonte në portën e Islandës.
Raste të shumta për shënim nga 21-vjeçarët shqiptarë u shpërdoruan në portën e Islandës, ku mund të veçohet rasti i humbur nga Abazaj në pjesën e dytë, i cili u gjend i vetëm me portierin kundërshtar. Sulmuesi shqiptar e kaloi topin mbi portierin, por e dërgoi jashtë kuadratit.
Pas 4 ndeshjeve ta para, Shqipëria ka arritur të grumbullojë 5 pikë, duke u renditur në vendin e katërt, në grupin e kryesuar nga Irlanda e Veriut me 7 pikë.
