Një kontingjent i Batalionit Komando të Forcave të Armatosura shqiptare u nis me mision paqeruajtës në Afganistan, në kuadër të operacionit të NATO-s “Resolute Support Mission”
Kontigjenti i katërt paqeruajtës do të shërbejnë për një periudhë 6 – mujore dhe do të veprojnë në përbërje dhe varësi të Komandës Rajonale turke në Kabul.
Në ceremoninë e përcjelljes, Ministrja e Mbrojtjes tha se Shqipëria me politikat e saj gjithë këto vite ka treguar se di të jetë një fqinj i mirë dhe një aleat i denjë krah NATO-s. Ministrja Kodheli, këtë herë zgjodhi një mënyrë të veçantë për të përshëndetur trupat pjesëmarrës në mision, duke i uruar personalisht të gjithë në emër.
Sipas saj, jo më kot Ministria e Mbrojtjes renditet e para në besimin që qytetarët shqiptarë kanë dhe në transparencën që Ministria e Mbrojtjes dhe Forcat e Armatosura tregojnë.
I pranishëm, Ambasadori i Turqisë në Shqipëri, Hidayet Bayraktar, se FA turke dhe FA shqiptare, kanë rritur performancën e tyre në fushën e mbrojtjes, duke treguar lidhjen e ngushtë mes popujve tanë, mbështetur në lidhjet vëllazërore në shekuj. Ai e vuri theksin tek rreth 6 mijë ushtarakët e FA shqiptare, të cilët gjatë kësaj periudhe janë trajnuar me afate të shkurtra apo të gjata në Turqi, ose në Shqipëri nga FA turke. Bayraktar shprehu bindjen e tij se kjo njësi e re që do të niset për Kabul, do t’i përmbushë më së miri detyrat e saj ashtu si edhe tre kontigjentet e mëparshme.
Kontigjenti i katërt paqeruajtës i FA shqiptare do të shërbejnë për një periudhë 6 – mujore në Afganistan dhe do të veprojnë në përbërje dhe varësi të Komandës Rajonale turke në Kabul. (java /r.a)
