Komandanti i FSK-së, gjeneralejtnant Rrahman Rama, do të pritet te premten me ceremoni zyrtare shtetërore në Shtabin e Përgjithshëm të Forcave të Armatosura të Republikës së Shqipërisë.
Sipas axhendës, Rama do të pritet nga Gjeneral major Jeronim Bazo, me truproje nderi dhe Banda frymore e forcave shqiptare. Më pas, Rama do ta takojë ministren e Mbrojtjes Mimi Kodheli, si dhe do ta zhvillojë një takim kokë me kokë me gjeneral Bazon.
Krejt në fund, komandanti i FSK-së do të pritet edhe nga Komanda Tokësore e Forcave të Armatosura, në Zall-herr, Tiranë.
KosovaPress do t’iu mbajë të informuar për rrjedhën e ngjarjes nga Shqipëria, referon KosovaPress.
