Një aeroplan që fluturonte nga Bolivia në Kolumbi është rrëzuar pranë Medelinit. Midis 81 të pranishmëve në bordin e çarterit ishin edhe anëtarët e skuadrës braziliane Chapecoense, e cila do të luante finalen e Copa Sudamericana në qytetin kolumbian.
Nuk ka raporte të saktë për numrin e viktimave. Lajmet nga vendngjarja flasin për dhjetë persona të cilëve po u jepet ndihma, ndërsa nga aeroporti i Medelinit flitet për vetëm gjashtë të mbijetuar.
Gjithçka mbetet ende e paqartë ashtu si shkaqet. Fillimisht u mendua për motin e keq ndërsa bëhet e ditur se avioni edhe mund të mos ketë patur mjaftueshëm sasi karburanti.
d.i.
