Një krim i rëndë ka ndodhur në Kolonjë në orët e pasdites. Dy vëllezër të moshës 31 dhe 34 vjeç janë plagosur me armë zjarri.
Sipas policisë të plagosur nga atentati kanë mbetur shtetasit me inicialet D.D. dhe A.D. Ata u transportuan në spitalin e Ersekës nga ku bëhet me dije se janë jashtë rrezikut për jetën.
Dy vëllezërit u sulmuan me armë nga një person i maskuar sipas të dhënave i cili mundi të largohet me shpejtësi pas krimit.
Policia ka nisur punën për identifikimin e autorit dhe prangosjen e tij. Nuk ka ende të dhëna për motivet e krimit.
