Një “Mona Liza” e dytë që mund të vlejë miliona dollarë është objekti i një padie të re të ngritur nga një familje prestigjioze evropiane, e cila kërkon pronësi të pjesshme të pikturës së shumëlakmuar.
“Mona Liza tjetër” u zbulua në fillim të shekullit të 20-të nga një koleksionist në një shtëpi fshati në Britani, thotë CNN.
Koleksionisti i artit ishte i bindur se piktura kishte për muzë po Lisa del Giocondo – n, që besohet të jetë Mona Liza e Leornardo da Vincit, vetëm se pak më të re.
Piktura ka qëndruar e mbyllur në një bankë zvicerane derisa një konsorcium ndërkombëtar, emri i të cilit nuk bëhet publik, e bleu veprën në 2008 dhe filloi ta shfaqë atë në galeritë në mbarë globin.
Por në qershor, kur piktura u ekspozua në Palazzo Bastogi të Firences, familja europiane doli me pretendimin se asaj i takonte 25%. Një gjykatë në Firence do të verifikojë tani kërkesën e familjes për sekuestrimin e pikturës, çka do të ndalonte nxjerrjen e saj nga Italia përsa kohë pronësia është nën hetim.
Sipas ekspertëve, nuk është çudi që kjo “Mona Lizë” e dytë të ketë një vlerë të jashtëzakonshme.
