Kolegji Zgjedhor hodhi poshtë sot vendimin e KQZ, që e kishte rrëzuar kandidatin e BINDJES DEMOKRATIKE për Beratin, zotin Pavllo Shkarpa. Pas këtij vendimi në qytetin 2400 vjeçar pritet të ketë një garë të fortë dhe reale, mes përfaësuesve të qeverisë dhe të opozitës.
Komisioni Qëndror i Zgjedhjeve kishte vendosur kundër kandidatit të BINDJES DEMOKRATIKE, pas pretendimit të KZAZ se Z. Shkarpa kishte pasur probleme me regjistrimin në gjendjen civile të qytetit. Por Kolegji Zgjedhor e konsideroi të pavlefshëm këtë vendim dhe tashmë zoti Shkarpa e ka rrugën e hapur për të zhvilluar garën e tij në qytetin e lindjes.
Vendimi i sotëm është pritur shumë mirë në Berat, pasi zoti Shkarpa është personalitet shumë i njohur në atë qytet. Ai është prej vitesh kryetar i shoqatës “ANTIPATREA”, e cila ka zhvilluar shumë aktivitete për promovimin e kulturës dhe të vlerave të qytetit të Beratit.
/a.rada
