Kolegji i Posaçëm i Apelimit ka rikthyer në detyrë gjyqtarin Fatri Islamaj, i cili ishte shkarkuar nga Komisioni i Pavarur i Kualifikimit.
Islamaj ishte përjashtuar nga sistemi i drejtësisë me vendim të KPK, që e kishte konsideruar gjyqtarin si të papërshtatshëm për të vazhduar detyrën.
Por në vendimin e sotëm të Kolegjit të Posaçëm të Apelimit, Fatri Islamaj u konsiderua i përshtatshëm që të vazhdojë detyrën në sistemin e drejtësisë.
KPA rrëzoi vendimin e Komisionit të Pavarur të Kualifikimit, duke argumentuar se në të 3 shtyllat e Vettingut, gjyqtari Fatri Islamaj rezulton i pastër dhe duhet të vijojë detyrën.
Fatri Islamaj ka qenë kryetar i Gjykatës së Tiranës.
/a.r
