Sekretari për Reformën Strukturore dhe Emigracionin në PS, Koço Kokëdhima, në vijim të prezantimit të lëvizjes politike për reformimin e partisë, u takua të martën pasdite me anëtarët e Organizatës Socialiste 1829/1 në njësinë numër 5, në zonën e ishBllokut në Tiranë.
Ai lexoi edhe një letër të marsit 2016 drejtuar kryeministrit dhe kryetarit të PSsë, Edi Rama ku i bënte me dije problemet e shumta që ka partia dhe ku kërkonte llogari, në emër të anëtarësisë së thjeshtë, përse nuk dëgjohet zëri i bazës. Më 14 mars të vitit 2016 i shkruajta kryetarit të Partisë Socialiste të Shqipërisë, në një moment që unë e vlerësova që gjërat jo vetëm që nuk po shkonin për mirë, por po morën dhe po shkonin për keq. I dërgova tekstin që do t’iu lexoj juve sot këtu në këtë organizatë socialiste.
LETRA PER RAMEN
“I dashur Edi! Më vjen thellësisht keq për përkujdesjen tuaj të posaçme për të lënë jashtë zhvillimeve politike në parti të gjithë përvojën dhe prurjen më domethënëse politike të rajonit Vlorë Gjirokastër. Nëse ka një reformim të shëndetshëm të PSsë ky është ai që po bëhet në këtë rajon. Nëse ka një shtim të fuqishëm të partisë me 1516 mijë prurje të reja dhe cilësore, ky është zhvillimi që udhëhoqa unë atje. Nëse ka një platformë reformuese që e shpëton PSnë nga relativizimi dhe dalja e butë nga pushteti, kjo është ajo që kam ideuar, hartuar dhe zbatuar unë, pjesëpjesë qysh nga dita kur kemi ardhur në pushtet e deri më sot. Ju gaboheni kur mendoni që të neglizhoni dhe injoroni këto realitete politike në jetën e PSsë. Ju u kujdesët që të përjashtonit këto kontribute e ide nga debati si në Asamblenë Kombëtare ashtu edhe në tryeza të tjera që po përgatisin Kongresin e partisë. Ju nuk bëtë asnjë përgatitje serioze të Kongresit.
Edhe dokumentin themelor të tij e keni paraqitur dy ditë para asamblesë kombëtare. Një dokument i turpshëm për nga cilësia, idetë dhe qëllimet. Ju po përgatisni një kongres për të bërë propagandë inproduktive për qeverisjen tuaj dhe jo për të pajisur PSnë me aftësi, programe, strategji dhe taktika për përballimin e sfidave me të cilat ajo dhe shoqëria jonë do të përballet në 15 muajt e ardhshëm dhe në vitet që vijnë. Unë jam i sigurt se ju po e fusni partinë në një çarje dhe tharje të re dhe përfundimisht shkatërruese për të.
Drejtimin pa vizion dhe strategji suksesi, lojërat të zjarrëfikësit që ndiqni, lëshimeve të paimagjinueshme dhe dhuratave që u bëni armiqve të PSsë po u vijnë përballë dallgë shkatërrimtare të PSnë dhe me pasoja të rënda për jetën e vendit. Sa thamë më lart, unë nuk kam aspak për qëllim të siguroj përfitime apo mbështetje personale. Unë jam përpjekur të kanalizoj brenda tryezave të punës së PSsë të gjitha këto diskutime, por ju nuk latë asnjë hapësirë, çuditërisht, pakuptueshmërisht dhe për fat të keq. Faleminderit.
Panorama/d.i.
