Prej muash Partia Socialiste është në proces të brendshëm zgjedhor, por Kongresi i planifikuar për në janar u shty për në mars. Për Koço Kokëdhimën, i cili ka qenë i pari që ka kërkuar shtyrjen e Kongresit, nuk është problem data se kur ai mbahet, por nëse do të ketë një reformim cilësor të Partisë Socialiste.
Sipas Kokëdhimës, aq e rëndësishme është reforma brenda socialistëve, sa do të ndikojë direkt në përmirësimin e qeverisjes së vendit në sektorë të ndryshëm. Koordinatori i Jugut dhe deputeti i Qarkut të Vlorës u tha gazetarëve atje se nuk ka mosmarrëveshje PS-LSI, dhe se divergjencat për reformën në drejtësi ai i sheh normale. Kokëdhima tha se bashkëpunimi i ngushtë Rama-Meta do të vijojë.
Tema
