Këtë mbrëmje Këshilli i Rregullores dhe Mandateve vendosi që të çojë për shqyrtim vlefshëmirë e mandatit të deputeti Koço Kokëdhima në Gjykatën Kushtetuese. Kjo e fundit do të vendosë nëse socialisti do të jetë apo jo deputet i parlamentit. I ftuar në emisionin Opinion në Tv Klan, deputeti socialist tha se nuk ka shkelur asnjë lloj ligji. Në lidhje me pretendimet e PD-së, se duke qenë deputet, Kokëdhima ka bërë një sërë kontratash duke përfituar para publike, socialisti tha se kontratat janë bërë përpara se ai të bëhej deputet.
“Kam qenë administrsator i kompanisë abissnet deri më 31 korrik të viti 2013. Në 2 gusht, në orën 18 të mbrëmjes jam bërë deputet. Administrator i kompanisë kam qenë deri më 31 korrik. Është bërë tenderi në datën 29 korrik. Kompania është shpallur fituese me 31 korrik. Unë jam zgjedhur deputet në datën 2 gusht, ora 18:00, ndërkohë që kontrata e komunës Rrushbull me kompaninë time është lidhur në këtë datë, por brenda orarit zyrtar , pra disa orë para se unë të bëhesha deputet.”- ka thënë Kokëdhima.
