Policia greke ka kryer një aksion anti-drogë në ishullin e mirënjohur të Mikonos, i cili ndryshe njihet edhe si vendi i “orgjive” për shkak të numrit të madh të të rinjve që vijnë aty nga e gjithë Evropa.
Për shkak të dëfrimit dhe veprimeve të shthurura në këtë ishull “kënaqësie” kërkesa për drogë dhe substanca narkotike është mjaft e lartë. E për këtë, 4 shqiptarë kishin shkuar në këtë ishull për të fryrë xhepat e tyre falë shitjes së kokainës.
Gjatë aksionit, policia ka arrestuar 4 shqiptarë dhe një serb, emrat e të cilëve nuk bëhen me dije. Policia ka sekuestruar një sazi prej 26 dozash kokainë dhe rreth 80 dozash hashash, si dhe një sasi të madhe parash, 17.500 euro dhe 1300 dollarë.
Identiteti i katër shqiptarëve të arrestuar nuk është bërë i ditur, por dyshohet se ata janë pjesë e ndonjë rrjeti droge me qendër në Athinë që drejtohet nga shqiptarë dhe shpërndajnë drogë në ishuj për shkak të fitimeve të mëdha që përfitojnë.
a.ç
