Dy shqiptarë janë arrestuar në Milano të Italisë, pasi iu janë gjetur në banesën e tyre një sasi droge e llojit kokainë e ndarë në doza, hashash, marijuanë, 98 plumba, si dhe një sasi parash prej 63 mijë e 380 euro.Mediat italiane nuk japin detaje për identitetin e tyre.
Dy shqiptarët u arrestuan pas një raportimi në aplikacionin e policisë italiane, “Youpol”. Dy shqiptarët ishin vëllezër me njëri-tjetrin, përkatësisht 49 dhe 41 vjeç. Njëri prej tyre jetonte në Milano ndërsa tjetri në Cologno Monzese, në periferi të qytetit. Policia ka zhvilluar kërkime në shtëpinë e tyre, ku u gjetën 63.380 euro, 263.4 gram kokainë, 1.430 gram hashash, 220 gram marihuanë, 98 plumba kalibri të ndryshëm dhe tre peshore.
ma.me
