Zbardhen detaje të tjera nga kapja e sasisë rekord të kokainës në Maminas.
Mësohet se kompania “Arbri Gardem” porositi ne Kolumbi 3 kontenierë me banane.
Burimet thanë se 2 kontenierët e tjerë rezultojnë të pastër pas kontrollit.
Prokuroria ka sekuestruar dokumentet e kompanisë së Arbër Çekajt nga të cilat rezulton se “Arbri-Garden” ka marrë 400 ngarkesa nga Kolumbia dhe Ekuadori.
Prokuroria ka rihapur dosjen e vitit 2015, ku kompania u dyshua për përfshirje në trafik kokaine.
Mësohet se në vitin 2015, në Ekuador është kapur kokainë në kontenirët e kompanisë Arbri-Garden. Por hetimet ngecën në atë kohë në pritje te leterporosise nga Ekuadori.
Pritet që të vendoset masa e sekuestros preventive mbi kompaninë dhe asetet deri në fund të hetimeve.
Deri tani janë arrestuar shoferi dhe administratori i firmës, ndërsa pronari Arbër Çekaj është në kërkim. Ai ndodhet në Gjermani dhe ka mohuar që të ketë lidhje me trafikun e kokainës. Përveç tij në hetim nga policia dhe prokuroria janë edhe persona të tjerë. Ndërkohë që droga e sekuestruar 613 kg kokainë ndodhet në një vend me masa të larta sigurie për shkak të vlerës dhe sasisë së madhe.
