Ministri i Mjedisit, Lefter Koka, zhvilloi sot një vizitë në fabrikën e riciklimit të letrës dhe kartonit “Edipack” në Porto Romano, Durrës, ku garantoi qytetarët se ligji për mbetjet do të ketë transparencë të plotë.
Në fjalën e tij, ministri Koka theksoi se “kjo kompani ka investuar rreth 17 milionë euro në këtë sektor dhe ka mbi 100-150 punonjës që punojnë në mënyrë direkte, ndërsa pjesa tjetër është ajo e vetëpunësuar”.
Ministri Koka tha se kemi ndërmarrë një tur vizitash në të gjithë industrinë e riciklimit në Shqipëri, të cilin do ta vazhdojmë dhe në ditët në vijim së bashku me kryeministrin Edi Rama, për të parë realisht investimet e bëra dhe përmbushjen e kritereve të ruajtjes së mjedisit.
Lidhur me industrinë e riciklimit, Koka u shpreh se “kjo është një i
ndustri aktive, e cila nëpërmjet riclikimit prodhon letër, karton të valëzuar, kuti kartoni me një teknologji shumë bashkëkohore, nga më të rejat në teknologjinë evropiane”.
Duke folur për ligjin e mbetjeve që kaloi të enjten në Kuvend, ministri i Mjedisit, Koka, kërkoi me përulësi mirëkuptimin e shoqatave, ambientalistëve, të çdo qytetari shqiptar, që të jenë të bindur që nuk ka patur dhe nuk do të ketë mbetje, të cilat mund të rrezikojnë jetën e qytetarëve apo fëmijëve të tyre.
“Unë jam plotësisht dakord që të bashkëpunojmë dhe jam i bindur që ambjentalistë shqiptarët kanë kapacitetet e nevojshme, Ministria e Mjedisit ka kapacitetet e nevojshme që të rrisin standardet e kompanive për të përpunuar lëndë të rcikliueshme pa prodhuar ndotje dhe të kontrollojnë kualitetin e çdo produkti që prodhohet në territorin shqiptar”, tha ministri Koka.
Nesër, vijoi ai, do të shkojmë në kompani të tjera për të parë sesi ushtrojnë aktivitetin e tyre, por do të shkojmë edhe në pikat doganore në momentet e importit që të jemi sa më transparent.
Sipas tij, ndoshta kjo çështje kaq e madhe që është krijuar do të kthejë besimin tek politika, që jo çdo ligj që ne bëjmë është i paimplementueshëm dhe se jo çdo gjë duhet ta bëjë të gjithë shoqërinë që të dyshojë.
“Kemi detyrim ndaj 35 mijë njerëzve që punojnë në këtë industri”, përfundoi Koka./a.m.
