Veprimet e dhunshme në protestën e PD- LSI, me qëllim zaptimin me forcë të Kryeministrisë, për të marrë në dorë më pas dhe ecurinë e situatës politike në vend, duket se përbëjnë një hap shumë të rrezikshëm për personat tashmë të fotografuar dhe filmuar të përfshirë në këto akte dhune të pashembullt për 5 orë me rradhë në dyert e Kryeministrisë. Aktet e dhunës ishin qartazi pjesë e një skenari të opozitës për të shantazhuar dhe marrë në tavolinë përfaqësimin e saj në qeveri nëpërmjet së ashtëquajturës ‘qeveri tranzitore’. Madje opozita kishte shkuar dhe më tej në projektin e saj duke caktuar dhe se kush duhej të ishte kryeministri i kësaj qeverie tranziotore.
Gjithësesi, referuar Kodit Penal, thirrjet publike për veprime të dhunshme kundër institucioneve shtetërore dhe kushtetuese dënohen deri në 3 vjet burg. Kaq rrezikoujnë militantët e PD- LSI të përfshirë tashmë në këto akte të dhunshme. Por nëse gjatë hetimit provohet se këto veprime të dhunshme synonin përmbysjen e rendit kushtetues ata mund të dënohen deri në burgim të përjetshëm. I mbetet prokurtorisë të provojë nëse këto veprime synonin përmbysjen e rendit kushtetues për të sjellë nëpërmjet dhunës dhe jo nëpërmjet votës forca të tjera politike në pushtet.
Ja nenet e Kodit Penal
Neni 223
Thirrjet publike për veprime të dhunshme
Thirrjet e bëra publikisht për të kryer vepra të dhunshme kundër rendit kushtetues, dënohen
me gjobë ose me burgim gjer në tre vjet.
Neni 221
Kryengritja
(Ndryshuar paragrafi II me ligjin nr. 8733, datë 24.1.2001, neni 79)
Pjesëmarrja në veprime masive të dhunshme, si vendosje pengesash apo barrikadash për të
ndalur forcat e rendit, rezistenca me armë apo çarmatosja e tyre, pushtimi me forcë i ndërtesave,
kryerja e plaçkitjeve, grumbullimi apo vënia në dispozicion e armëve, municioneve dhe njerëzve,
krijimi i lehtësirave në favor të kryengritësve, të bëra për të përmbysur rendin kushtetues, dënohen
më burgim nga pesëmbëdhjetë gjer në njëzet e pesë vjet.
Marrja pjesë si udhëheqës apo organizator në veprimet e mësipërme dënohet me burgim të
përjetshëm.
/a.meta/javanews.al
