Gjatë mbledhjes së Komitetit Ndërministror të Emergjencave Civile, Ministrja e Brendshme Albana Koçiu deklaroi se të gjitha strukturat kanë qenë në gatishmëri për të menaxhuar situatën e krijuar nga përmbytjet.
Sipas ministres, rreth 5,500 punonjës të policisë janë angazhuar në terren, ndërsa janë vendosur në dispozicion 700 mjete policie për të ndihmuar qytetarët e prekur.
“Kemi qenë në gatishmëri me të gjitha strukturat. Rreth 5500 punonjës të policisë ka qenë në angazhuar në terren. Janë 700 mjete të policisë që janë vendosur në dispozicion për të ndihmuar. Forcat zjarrfikësve që janë mbi 720 efektivë që janë të angazhuar, 5 automjete zjarrfikësve në dispozicion, 22 pompa thithëse të vendosura në zonat problematike”, tha Koçiu.
