Deputeti i Partisë Socialiste, Petro Koçi ka komentuar situatën gjeo-politike dhe veçanërisht raportet e tensionuara mes Kosovës dhe Serbisë. Nga foltorja e Kuvendit, deputeti Koçi ka treguar se pse Kosova nuk u përfshi në “Ballkanin e Hapur”, ndërsa i ka dërguara edhe një mesazh kryeministrit kosovar, Albin Kurti.
“Doja të flisja pak lidhur me Ballkanin e Hapur, sepse është një iniciativë që vazhdon dhe unë jam i bindur që kur të bëhet marrëveshja finale mes Serbisë dhe Kosovës hapja e Ballkanit do të jetë gjithë përfshirëse. Por pse qeveria e Kosovës nuk u përfshi tek Ballkani Hapur? Unë mendoj se së pari ka pasur një partneritet mes pushtetit në Kosovë dhe ish-pushtetit në Shqipëri për të mos bërë pjesë në Ballkanin e Hapur.
Qëllimi i dukshëm ka qenë një vetëm për të bërë vota, por gjykoj që ka pasur edhe dy përfitime të fshehura në favor të Serbisë. E para shmangej mundësia që Serbia të sfidohej në këtë iniciativë sepse do detyrohej si e barabartë me Kosovën, mospërfshirja e Kosovës në këtë iniciativë do krijonte përshtypjen tek ndërkombëtarët se Kosova ka frikë nga politikat e bashkëpunimit dhe paqes në rajon.
Dua t’i bëjë thirrje Albin Kurtit që të heq dorë nga rruga e vetmisë së madhe. Të mos ndjek rrugën e Berishës, rrugën e non gratës që fjalimet i mban kuq e zi po veprimet i ka tradhti”, deklaroi deputeti Koçi dje në Kuvendin e Shqipërisë./m.j
