Në takimin me banorë të njësisë administrative Lumas të Kuçovës, drejtuesi politik I PS në këtë qark Blendi Klosi, shprehu bindjen se kandidatët e propozuar nga Partia Demokratike në këtë qark, do të rrëzohen me votë, ashtu si edhe më parë. Në qarkun e Beratit, Partia Demokratike ka propozuar të njëjtët njerëz të cilët edhe më herët kanë qenë të paaprovuar me votë nga qytetarët e qarkut të Beratit. Por, kjo zgjedhje e Bashës për të ripërsëritur të njëjtat kandidatura, nuk ka shpjegim tjetër përvec se vetëdijes së tij se janë në prag të një humbjeje tjetër të madhe në 25 qershor – deklaroi Klosi. “ E keni parë listën e PD-së, listë më të dobët PD-ja nuk mund të kishte dhe nuk ka patur asnjëherë në këto 25 vjetë, por pse e bënë këtë? Ata e dinë që janë të humbur dhe prandaj e kishin të vështirë të gjenin kandidatë, dhe I keni parë ç’ kandidatë vunë. Vunë kandidatë ata që kanë qenë më përpara. Thonë Republikë e Re dhe vënë kandidatë të vjetër, Të gjithë në listën e PD, janë të provuar dhe rrëzuar masivisht me votën tuaj. Cfarë kanë bërë në parlament? Cfarë kanë bërë për ju?? Klosi deklaroi se Berati këtë herë Berati do ti kthehet Partisë Socialiste, ashtu si vite më parë. “Eshtë krejt e natyrshme që Partia Socialiste të rimarrë në Berat atë që i takon, votën e më shumë se 75 përqind të elektoratit, duke i dhënë fund njeherë e përgjithmonë asaj që ndodh nga forca të tjera politike, që votën e marrin përmes presionit për vendin e punës”- deklaroi Klosi. Klosi – “Kësaj rradhe ne jemi në fushatë shumë të qartë. Kësaj rradhe kemi kërkuar votën për Edi Ramën, kësaj rradhe kemi kërkuar votën për reformat. Kësaj rradhe jemi në fushatë për ti kthyer lavdinë Partisë Socialiste në Berat, që të shënojmë historinë dhe të marrim 5 mandate për Partinë Socialiste dhe është fare normale që Partia Socialiste të marrë 5 mandate sepse më shumë se 75 përqind mbështetje të elektoratit. Por, na duhet të kemi më shumë pjesëmarrje në votim. NJerëzit të cilët u gënjyen në 2013 që votuan për një vend pune, ta kenë të qartë që në ato vende pune do rrinë nëse e meritojnë, nuk do rrinë nëse janë për një forcë politike apo për një tjetër”. Ermonela Felaj, deklaroi gjithashtu se i gjithë qarku I Beratit do të dënojë me votë këtë herë, partitë që janë ngritur dhe mbajtur në këtë qark jo përmes vullnetit të lirë të votuesve. ma.me
