Ministri i Turizmit dhe Mjedisit, Blendi Klsoi, u ka dërguar një letër kryetarëve të Bashkive bregdetare, të cilëve u kërkon të marrin masa për sigurinë në plazhe gjatë sezonit turistik.
Në letrën e tij, Klosi u kërkoi kryebashkiakëve të ndërpresin kontratat me privatët që nuk zbatojnë ligjin për sigurinë në plazhe.
Keni përgjegjësinë për zbatimin rigoroz të ligjit për sigurinë në det, u ka kujtuar Klosi kryebashkiakëve të vijës bregdetare nga Shkodra në Sarandë dhe bashkisë së Pogradecit.
“Merrni masa për stacionet e plazhit pa roje bregdetare, pasi për sigurinë në det, ju keni përgjegjësinë për të marrë masat. Duhet të zbatohet ligji për sigurinë në det. Prishni kontratat me subjektet që nuk garantojnë sigurinë”- thuhet në letrën e Blendi Klosit.
Kërkesa për marrjen e masave vjen në njëkohë kur në plazhet shqiptare vijojnë të marrin jetë njerëzish.
Vetëm në një ditë humbën jetën tre persona
a.ç
