Jurgen Klopp ka kërkuar falje për atë që bëri pas ndeshjes ndaj Watford-it. Trajneri i Liverpoolit, Jurgen Klopp, u bëri thirrje tifozëve ‘Th Reds’ që të udhëtojnë në Basel edhe ata që nuk kanë bileta, për ta mbështetur ekipin e tyre në finalen e Europa League.
Mirëpo kjo ka ngjallur menjëherë reagime nga zviceranët, të cilët mendojnë se mund të ketë kaos në Bazel.
Të njëjtën gjë tani e mendon edhe trajneri Klopp, i cili ka kërkuar falje dhe iu është lutur tifozëve që të udhëtojnë në Bazel vetëm tifozët që kanë bileta, referon Express.
“Herën e fundit kur fola për Bazelin, fola si tifoz. Ftova gjithë tifozët e Liverpoolit në Bazel – kjo nuk ishte aspak e zgjuar të jem i sinqertë”, ka thënë Klopp.
“Bazeli është një qytet shumë i mirë, por nuk është gati për ne – ishte gabimi im. Më duhet të kërkoj falje për këtë dhe t’iu them tifozëve që të udhëtojnë vetëm ata që kanë bileta, sepse në të kundërtën do të bëhej kaos.
Nëse nuk keni biletë, rrini në shtëpi apo dilni me shoqëri dhe shijojeni finalen, por mos udhëtoni në Bazel”, ka thënë Klopp pas atij veprimi që bëri. (b.an)
