Trajneri i Liverpoolit ka kritikuar edhe njëherë mënyrën e lojës së Manchester United.Derbi më i madh anglez mes Liverpoolit dhe Manchester United është mbyllur dhe me pak raste nga të dyja skuadrat.
Që loja të ishte e mbyllur ndikoi shumë taktika e Jose Mourinhos, i cili kishte vendosur të mbrohej përgjatë 90 minutave dhe kjo mënyrë e lojës nuk i ka pëlqyer kundërshtarit të tij Jurgen Klopp, që edhe njëherë ka theksuar se ekipi i tij nuk do të luante kurrë një futboll të tillë, transmeton KosovaPress.
“Pothuajse të gjitha gjërat që Manchester United i ka bërë atë ditë janë të qarta. Nuk është puna ime të merrem më shumë me ta. Jose ka bërë atë që mendon se është e drejtë dhe ne duhet të pajtohemi me këtë”, ka thënë Klopp.
“Ata duan ta fitojnë titullin dhe unë jam i sigurt se Liverpooli edhe po të mbetet edhe për 125 vite pa titull nuk do të luajë në atë mënyrë.
Ne nuk i lejojmë vetes që të qëndrojmë prapa dhe vetëm të presim kundërshtarin. Kjo është e pamundur”, ka përfunduar Klopp. (b.an)
