Trajneri i Liverpoolit, Jurgen Klopp beson se Chelsea deri më tani ka qenë ekipi më me fat nga pretendentët për titull sa i përket lëndimeve, duke mbajtur yjet kryesor të palënduar.
Liverpooli mban vendin e dytë në tabelë me gjashtë pikë prapa Chelseat, dhe Klopp thotë se ekipi i Antonio Contes është me plot meritë në krye të Premier Ligës, transmeton Koha.net.
“Nuk sistem perfekt në botën e futbollit, por kur vazhdoni kështu atëherë ata meritojnë të jenë kampionë, askush nuk do të dyshonte në këtë. Jam shumë i sigurt se deri më tani Chelsea ndoshta është ekipi më me fat sa i përket lëndimeve.
Ne humbëm Coutinhon, Sturridge e Ingsin në çaste të vështira, kur do të mund t’i përdornim me të vërtetë shumë. Nëse do të lëndohej Hazard dhe Costa te Chelsea, atëherë do të ishte e njëjta”, është shprehur Klopp Sky Sports Neës.
Ai në prag të ndeshjes kundër Stoke Cityt ka thënë se Liverpooli duhet të harrojë të kaluarën dhe duhet të fokusohet në fitimin e titujve duke filluar nga ky sezon, përgatiti Koha. (b.an)
