Dalin detaje nga dëshmia e ish ministrit të Financave dhe Ekonomisë, Arben Ahmetaj një ditë më parë, (22 qershor 2023) në SPAK. Mësohet se ka sqaruar për prokuroren Enkeleda Millonai pozicionin e tij për incineratorin e Fierit dhe të Elbasanit.
Ahmetaj ka deklaruar se si ish Minister i Ekonomisë dhe si ish ministër i Financave nuk ka patur asnjë rol vendimmarrës për incinetatorët.
Ahmetaj ka mohuar lidhjen me Klodian Zoton për të cilin është shprehur se e njeh vetëm si biznesmen, ndërsa sa i takon vilës në Hamallaj ai ka deklaruar se ajo është pronë e familjes së bashkëjetueses Erjola Hoxha,me të cilën bashkëjeton që nga viti 2022.
Sipas Ahmetajt Zoto nuk ka patur vilë në Hamallaj që tia falte Ahmetajt dhe s’kishte pse ia falte pasi ai s’ka patuar asnjë rol vendimmarrës për inceneratoret. Ish zëvendëskryeministri ka mohuar edhe pretendimet se Klodian Zoto i ka paguar hotele të shtrenjta jashtë Shqipërisë. Ahmetaj ka sqaruar se në asnjë rast hotelet ku ka qëndruar nuk janë paguar nga të tjerë përfshi edhe Klodian Zoton. Ndërsa sa i takon vilës në Palas ish zevendeskryeministri ka pohuar se nuk ka asnjë lidhje me këtë prone pasi ajo i përket një shtetaseje zvicerane dhe duhet të pyesni atë për sqarime, mëson gazetarja e Report TV Keti Banushi.
Ende nuk i është komunikuar akuza, reagon avokati
Për herë të parë, ish-ministri socialist Arben Ahmetaj u paraqit dje në ambientet e Prokurorisë së Posaçme, si person nën hetim, në kuadër të hetimeve që SPAK po kryen ndaj Ahmetajt për 4 akuza, për shpërdorim detyre, korrupsion, pastrim parash dhe përfitime të paligjshme por Report TV mëspn se deri tani ende nuk i është komunikuar asnjë akuzë. Dher Avokati i tij Henrik Ligori tha për Report tv që Ahmetajt nuk iu atribua asnjë fakt penal, por ndaj tij hetohet për të gjetur fakte penale.
shqiptarja.com
