Klodi i BB: Ju tregoj miqësinë time me Balotelin
Para disa vitesh ishte një nga personazhet më të përfolur të medias rozë, ndërsa pas largimit nga Shqipëria u duk se ishte vendimi i tij që të qëndrojë larg skupeve e lajmeve të ndryshme që bëheshin për të.
Klodian Çela, apo i njohur si Klodi i BB, vendosi që të jetojë në Breshia, vend ky që ëndërrohet nga të gjithë, pasi njihet si qendra e modës europiane. Klodi aty nuk merret me modë, por me menaxhim. Ai ka menaxhuar disa lokale të ndryshme ndërsa është përfolur edhe për miqësitë e tij me personazhe VIP të njohur të botës. Një nga miqtë e tij të njohur në mbarë botën është edhe futbollisti i famshëm Mario Baloteli.
Madje, fotot që po zbulojmë tregojnë se miqësia e tyre është aq e madhe, sa që Baloteli bën edhe seflie me Klodin. ‘’Me Balotelin jetojmë në një lagje këtu në Breshia, shpesh takohemi për kafe, dreka e darka, madje bashkë me të dhe të vëllain e tij bëjmë shopping, njihemi gati prej tetë vitesh’’, tregon Klodian Çela, i cili këtë vit u rikthye në Shqipëri si një biznesmen, pasi hapi edhe plazhin e tij privat në Jug të vendit, parcelë kjo e trashëguar nga gjyshja e tij. 25-vjeçari Baloteli, idhull i fansave të futbollit, ka lindur në Palermo të Italisë nga prindër emigrantë ganezë.
Redaksia Java News/ f.g
