Një nga kritikat më të mëdha që i bëhen Lulzim Bashës është fakti se pasi u zgjodh në krye të PD-së, ai e braktisi plotësisht Bashkinë e Tiranës, e madje shkoi deri aty sa nuk paraqitej më në punë.
Më keq akoma, del se ai ka kaluar më shumë kohë në Holandë se sa duke u marrë me punët e Bashkisë.
Pak ditë më parë u publikua edhe fakti se Basha ishte paguar 28 mijë euro për realizimin e një projekti në Holandë, duke konfirmuar kështu se ishte i tre-punësuar.
Por, në vazhdën e kësaj, lind natyrshëm një pyetje për emrin që Basha ka zgjedhur të kandidojë në Tiranës, Halim Kosovën.
Mjeku i njohur gjinekolog ka një klinikë private 5 katëshe në mes të Tiranës dhe vetë e ka pranuar, se që nga hapja e saj, ai ka qenë i dypunësuar, paradite në maternitetin shtetëror, ndërsa pasdite në klinikën e tij private.
Modeli i dypunësimit që solli Basha në Bashki, duket se do të ndiqet edhe nga Kosova nëse ai zgjidhet kryebashkiak.
Një publikim i fundit në media, nxorri në pah se sipas ekstraktit të QKR, klinika private e Halim Kosovës ka një vlerë prej 2.6 milion eurosh.
Ndaj natyrshëm lind pyetja për kandidatin e djathtë: Ku do të kalojë më shumë kohë Halim Kosova, në Bashki apo në klinikën e tij private?/TEMA
