Nën drejtimin e Presidentit të Republikës, Bujar Nishani, Këshilli i Lartë i Drejtësisë, zhvilloi sot, datë 22.02.2016, mbledhjen plenare, e cila nisi me vazhdimin e shqyrtimit të problematikës lidhur me situatën e krijuar në Gjykatën e Rrethit Gjyqësor Kavajë për shkak të qenies së trupës gjyqësore të kësaj gjykate me dy gjyqtarë. Pas diskutimeve, anëtarët e Këshillit vendosën delegimin e dy gjyqtarëve të Gjykatës së Rrethit Gjyqësor Përmet, për gjykuar një numër të caktuar çështjesh.
Bazuar në përcaktimet e rendit të ditës, Këshilli shqyrtoi projekt-aktet përfundimtare të vlerësimit, të Kryeinspektorit të Inspektoratit të Këshillit të Lartë të Drejtësisë, në zbatim të Vendimit të Këshillit të Lartë të Drejtësisë Nr. 261/2, datë 14.04.2010 “Sistemi i Vlerësimit të Gjyqtarëve”. Pasi dëgjuan observacionet përkatëse, anëtarët miratuan aktet e Vlerësimit për gjyqtarët e mëposhtëm:
• Gjyqtar Izet Dushaj, Gjykata e Apelit Shkodër;
• Gjyqtar Ilir Mustafaj, Gjykata e Rrethit Gjyqësor Tiranë;
• Gjyqtar Enton Dhimitri, Gjykata e Apelit Gjirokastër;
• Gjyqtar Ali Koleci, Gjykata e Rrethit Gjyqësor Mat;
• Gjyqtare Migena Laska, Gjykata e Rrethit Gjyqësor Tiranë;
• Gjyqtare Eneida Civici, Gjykata e Rrethit Gjyqësor Tiranë;
• Gjyqtare Nazmije Pengili, Gjykata e Rrethit Gjyqësor Krujë;
• Gjyqtar Artur Malaj, Gjykata e Apelit Administrativ;
• Gjyqtar Dhimitër Lara, Gjykata e Apelit për Krime të Rënda;
• Gjyqtar Kliton Spahiu, Gjykata e Apelit Durrës;
• Gjyqtar Sandër Simoni, Gjykata e Shkallës së Parë për Krime të Rënda;
• Gjyqtar Gjin Gjoni, Gjykata e Apelit Tiranë;
• Gjyqtar Ilir Pashaj, Gjykata e Rrethit Gjyqësor Elbasan.
• Gjyqtar Hasan Selimi, Gjykata e Rrethit Gjyqësor Shkodër.
• Gjyqtar Vladimir Skënderi, Gjykata e Rrethit Gjyqësor Durrës.
Në përputhje me rendin e ditës, anëtarët shqyrtuan në zbatim të vendimit të Këshillit të Lartë të Drejtësisë nr. 36, datë 29.04.2015 “Për kriteret dhe procedurat e vlerësimit profesional dhe etik të kryeinspektorit dhe inspektorëve të këshillit të lartë të drejtësisë”, projekt-aktin e vlerësimit, e z. Piro Samara, Inspektor pranë KLD-së.
Si pikë të fundit të rendit të ditës, Këshilli vendosi delegimin e disa gjyqtarëve në shqyrtimin e çështjeve të caktuara gjyqësore, në gjykata të tjera nga ku ata janë emëruar për të ushtruar funksionin e gjyqtarit.
