“Fati” i gjyqtarit Ibrahim Hoxha do të vendoset sot nga Këshilli i Lartë i Drejtësisë i cili do të mblidhet për të dhënë verdiktin, nëse ai do të jetë apo jo pjesë e togave të zeza. KLD do të mblidhet në orën 18:00 për të dhënë me votë vendimin, duke vlerësuar kështu arrestin e bërë ditën e djeshme nga ana e efektivëve të policisë.
Mbledhja e KLD-së pritet të drejtohet nga Presidenti Bujar Nishani dhe pika e vetme e diskutimeve do të jetë pikërisht çështja e Ibrahim Hoxhës.
Ky i fundit qëndron prej mëse 10 orësh në policinë e Tiranës. KLD sipas ligjit duhet që brenda 24 orëve të japë vlerësimin e saj për arrestimin dhe autorizmin. Prokuroria i ka kërkuar KLD-së që të vlerësojë si të ligjshëm arrestimin e gjyqtarit.
Hoxha u prangos pasi hetohej prej muajsh për akuzën e korrupsionit e mitmarrjes në vlerën e 600 mijë lekëve në këmbim të një vendimi gjyqësor. javanew/ a.k
