Këshilli i Lartë i Drejtësisë i ka dhënë dritën jeshile Prokurorisë për të arrestuar gjyqtaren e Lezhës Parashqevi Ademi e akuzuar për korrupsion.
Në mbledhjen e sotme KLD vendosi të autorizojë arrestimin e gjyqtares Ademi. Kjo e fundit, së bashku me avokatin Gjovalin Ndokaj, u arrestuan me urdhër të Prokurorisë së Krimeve të Rënda, në kushtet e flagrancës, pasi u kapën duke marrë 2 milionë lekë të vjetra ryshfet për të favorizuar një çështje.
Parashqevi Ademi ka qenë gjyqtare në Gjykatën e Rrethit Gjyqësor Lezhë prej më shumë se 20 vitesh.
