Tifozët e Leicester Cityt janë të zemëruar për shkak të largimit të idhullit të tyre, Jamie Vardy, i cili i ka udhëhequr drejt fitores historike në Ligën Premier, por ka disa tifozë të tjerë që janë të lumturuar nga ky lajm.
Dhe nuk janë tifozët e Arsenalit. Sipas të përditshmes The Sun, klubi i Fleetwood Town, me të cilin lojtari ka luajtur deri në vitin 2012, do të përfitonte disa miliona nga ky transferim, shkruan Telesport.
Kjo shumë e të hollave, konsiderohet mjaft e madhe për një ekip që garat i zhvillon në Football League One, kategoria e tretë në Angli.
Kur Fleetwood Town kanë shitur Vardyn, kanë përfshirë në kontratë një klauzolë, që të përfitonte një përqindje të shumës që do të përftohej nga një shitje e mundshme e sulmuesit nga ana e Leicester.
Më saktësisht, nga 20 milionë sterlinat që “Dhelprat” do të marrin nga kalimi i Vardyit tek Arsenal, 6.8 milionë do të përfundojnë në arkat e Fleetwood./a.m.
