Sekretari i Shëndetit në Britani është shprehur tepër i shqetësuar për një shenjë të koronavirusit që po prek fëmijët.
Duke folur nga zyra e qeverisë, Matt Hannock i lidhi shqetësimet me mjekët e Shërbimit të Shëndetit që kanë marrë alarm për rritje të rasteve me sindromë inflamatore.
Rastet janë raportuar në këto tre javët e fundit teksa vendi po përballet me pandeminë e koronavirusit. Mjekët besojnë se është e ngjashme me sëmundjen Kawasaki, sindromi i shokut toksik që shkakton skuqje të gjuhës, rënie të lëkurës dhe temperaturë. Kjo e fundit është shenjë e koronavirusit.
Mjeku Chris Whitty tha se gjendja është “shumë e rrallë”, por shtoi është e mundur që është shkaktuar nga ky virus.
Siç raporton “The Sun”, në alarmin e tyre, shefat e shëndetit thanë: “Ekziston një shqetësim në rritje se një sindrom inflamator i lidhur me koronavirusin po shfaqet tek fëmijët në Mbretërinë e Bashkuar.
Gjatë tre javëve të fundit, ka pasur një rritje të dukshme të numrit të fëmijëve të të gjitha moshave që paraqesin një gjendje inflamatore shumë-sistemore që kërkon kujdes intensiv në të gjithë Londrën dhe gjithashtu në rajone të tjera të Mbretërisë së Bashkuar.”
/a.r
