Këngëtarja Pink pranoi në rrjetet sociale se sëbashku me të birin 3-vjeçar, Jameson, ishte infektuar me Covid-19. Pasi ndjenë simptomat e para të koronavirusit, bënë testin dhe rezultuan pozitivë.
Ajo dhe familja e saj ishin vetëizoluar pak kohë më parë dhe vijuan ta bëjnë edhe për 2 javë, duke ndjekur të gjitha këshillat e mjekut.
Fatmirësisht para pak ditësh Pink dhe djali i saj bënë sërish testin dhe rezultuan negativë. Por ajo kritikoi qeverinë, duke e quajtur dështim që nuk ka arritur ta bëjë më të lehtë bërjen e testit nga të gjithë.
“Kjo sëmundje është serioze dhe e vërtetë. Njerëzit duhet ta dinë që ky virus infekton të rinjtë dhe të moshuarit, të shëndetshmit dhe ata me probleme shëndetësore, të pasur dhe të varfër. Ndaj testi duhet bërë falas dhe më i lehtë për të gjithë, në mënyrë që të mbrojmë fëmijët, familjet, shoqërinë dhe komunitetin tonë”, shkruajti këngëtarja në një postim në Twitter. /e.s/
