Ky është automjeti tip Hyundai me të cilin udhëtonte ish-Presidenti Ilir Meta në momentin që u arrestua mesditën e së hënës pranë zonës së Laprakës.
Ky automjet ndodhet në oborrin e Tv Klan, pasi u soll në mbrëmje nga Sekretari Organizativ i Partisë së Lirisë, Artemis Peca, i cili ishte i ftuar në emisionin Opinion.
Peca drejtonte automjetin në momentin e arrestimit të ish-Presidentit. Në ato çaste, brenda fuoristradës së zezë ndodheshin vetëm Meta dhe Peca.
Është pikërisht i njëjti automjet që ju bllokua rruga nga makinat civile të Forcave Operacionale të Policisë.
Brenda makinës ku u arrestua Meta, në sediljen e parë të pasagjerit shihen fara që mesa duket kanë mbetur aty që prej momentit kur u arrestua ish-Presidenti.
Ilir Meta, para se të arrestohej, po kthehej nga Kosova ku kishte qenë prej ditës së djeshme.
Ilir Meta u arrestua me urdhër të SPAK për akuzat e korrupsionit, pastrim parash dhe fshehje pasurie./tvklan.al
