Kjo 18-vjeçare vdiq duke bërë…
Me përparimin e teknologjisë mania ‘selfie’ po bëhet gjithnjë e më e rrezikshme jo vetëm për kohën që njerëzit kalojnë në rrjete sociale dhe sa humbasin nga përditshmëria e tyre, por edhe për jetën e tyre.
Anna Ursu ishte adoleshentja tipike që pëlqente të bënte fotografi me telefonin e saj dhe t’i shpërndante në rrjete sociale. 18-vjeçarja nga Rumania jetonte në Iasi dhe ndërsa udhëtonte me tren me shoqen e saj, vendosi t’i shtonte arkivës së ‘selfie-ve’ disa fotografi mbi ‘çatinë’ e trenit.
Për fatin e saj të keq Anna nuk e dinte që sipërfaqja në pjesën e sipërme të trenit ishte e ngarkuar me elektricitet. Një kalimtar në rrugë kur i pa të dyja shoqet teksa ngjiteshin i paralajmëroi që ishte e rrezikshme dhe brenda pak sekondave dëgjoi një zhurmë të ngjashme me një shpërthim.
27,000 volt energji elektrike ‘shkundën’ Anën dhe shoqen e saj, duke i shkaktuar djegie të rënda në të gjithë trupin. Pas ndërhyrjes së mjekëve shoqja e 18-vjeçares arriti të shpëtojë, ndërsa Anna humbi jetën me 50% të trupit të djegur.
