Kreu i Grupit Parlamentar të PS, Taulant Balla, i është përgjigjur kërkesës së Sekretarit të Përgjithshëm të PS-së, Gazment Bardhi.
Në një deklaratë nga Kuvendi, Balla tha se Bardhi nuk mund të bëjë presion deputetëve, pasi në institucioneve ka rregulla dhe afate.
“Kishte dalë një Gazment apo Gazmir Bardhi, si e ka, që kishte thënë se Kuvendit të miratojë menjëherë draftin e Këshillit Politik. Por dua t’i them këtij që në Kuvend ka rregulla, ka afate dhe kalendar për miratimin e ligjeve. Ne i përmbahemi marrëveshjes dhe zbatojmë rregullat në Kuvend”, u shpreh Balla.
Më herët Gazmend Bardhi, i kërkoi kreut të Kuvendit Gramoz Ruci që parlamenti të miratojë në seancën e radhës, ndryshimet në Kodin Zgjedhor. Në një reagim në rrjetet sociale, Bardhi tha se këto ndryshime dhe zbatimi i tyre, është një hap që dëshmon vullnet në përmbushjen e kushteve për hapjen e negociatave me Bashkimin Evropian.
g.kosovari
