Një çift bashkëshortësh u arrestuan nga policia e Spanjës në Girona për kultivimin e lëndëve narkotike brenda një shtëpie bari.
Në operacionin e zhvilluar në një banesë në zonën e Riells i Viabrea, u gjetën dhe u sekuestruan 492 bimë kanabisi dhe një sasi prej 131 kg gati për shitje.
Në pranga janë vendosur një shqiptar, ku sipas mediave spanjolle, ka shërbyer si ushtar në ushtrinë e Francës, dhe bashkëshortja e tij.
Gjatë kontrollit në banesë, atyre iu sekuestruan dhe 15 armë të ftohta. Sipas mediave vendase, çifti i bashkëshortëve kishin hyrë ilegalisht në një vilë dy katëshe ku prej kohësh nuk jetonte njeri.
Ata e kishin përshtatur bodrumin e kësaj vile në një ambient të përshtatshëm për kultivimin e lëndës narkotike, me ndriçim dhe ngrohje të mjaftueshme.
Ndërsa e gjithë vila ishte e monitoruar nga një sistem kamerash vëzhgimi. Kanë qenë disa ankesa anonime në polici që zbuluan aktivitetin e çiftit.
Fillimisht, policia kërkoi bashkëpunim me kompaninë e furnizimit me energji elektrike, ku sipas medias spanjolle, fatura e tyre kishte shkuar në 80.954 euro.
