Arrest shtëpie ka qenë vendimi i dhënë nga Arben Dosti, gjykatës në Gjirokaster, ndaj 2 trafikantëve Petro Ngucaj dhe Çelo Çelo nga Lazarati, të cilëve ju sekuestrua një sasi prej 58 kg lëndë narkotike të kapur tre ditë më parë në Gjirokastër në aksin nacional Tepelene-Gjirokaster.
Kjo ka çuar në një konflikt verbal mes gjykatësit dhe prokurorit të çështjes, Spartak Çoçoli.
Prokurori Çoçoli është shprehur se një masë e tillë nuk është dhënë as për ata persona që janë kapur me 15 gram marijuanë, ndërkohë që dërgohen në shtëpi 2 trafikantë të mirëfilltë si Çelo e Ngucaj.
Prokurori Çoçoli do të apelojë këtë vendim në Gjykatën e Apelit në Gjirokastër, ndërkohë që një masë e tillë jepet vetëm në raste specifike kur të pandehurit kanë probleme të rënda shëndetësore apo për gratë shtatzënë.
Petro Ngucaj dhe Çelo Çelo, u arrestuan të dielën me 18 qershor, pasi ju gjet 58 kg lëndë narkotike në bagazhin e automjetit të tyre tip BMW. Kanabisi u konstatua gjatë një kontrolli të ushtruar në automjet, në vendin e quajtur “Ura e Viroit”./a.ç
