Fillojnë plasaritjet mes shtetit dhe autoritetit të religjionit serb. Kjo sepse Kisha Ortodokse serbe pajtohet me aneksin 5 të Planit Athisaari për mbrojtje të monumenteve të kultit në Kosovë, ndërsa vetë Serbia kurrë s’e ka njohur këtë dokument i cili njeh pavarësinë e Kosovës. Dikush thotë se KOS ka argument të gabueshëm, dikush thotë se zbatimi i Aneksit 5 është e vetmja mënyrë që të shpëtohet pasuria kishtare në rast të pranimit të Kosovës në UNESCO, shkruan gazeta e Beogradit “Politika”.
Në letrën dërguar drejtoreshës së përgjithshme të UNESCO-s Irina Bokoj, të cilën e ka nënshkruar patriarku i Kishës Ortodokse serbe Irinej, ai ka ftuar për dhënien e “garancive të fuqishme ndërkombëtare me shkrim, krahas rehabilitimit të përmbajtjes së aneksit 5 të Ahtisaarit”, i cili përshkruan mbrojtjen institucionale të trashëgimisë kulturore serbe në Kosovë. Planin e të deleguari special të KB-së Marti Ahtisaari, i cili parasheh pavarësi të Kosovës me mbikëqyrje ndërkombëtare, e kishte hedhur poshtë më Rezolutën për Kosovën në vitin2007 Kuvendi i Serbisë. Vuk Drashkoviç, ministër i atëhershëm i Punëve të Jashtme të Serbisë, e kishte quajtur planin “dinamit”. Por, Kosova është thirrur mu në këtë plan për ta shpallur pavarësinë në vitin 2008 dhe e ka përdorur Planin Ahtisari si kornizë për Kushtetutën e Kosovës dhe ligjet e saj përmes të cilave rregullohet ruajtja e trashëgimisë kulturore, ankohet gazeta.
Meqë Dokumenti Ahtisaari është bërë kartë e pavarësisë së Kosovës, Sllobodan Samarxhiç ish –ministër i Serbisë për Kosovën nga viti 2007 – 2008, përpjekjen e KOS e quan “ekstremisht të palejueshme” duke thënë se KOS ka mundur të thirret në dokumente të tjera e jo në Planin Ahtisaari. (javanews.al / a.n)
