Mënyra e përfundimit të çdo konflikti është negociata, ndaj Kina mirëpret të gjitha përpjekjet e angazhuara për paqen, tha të premten Ministri i Jashtëm i Kinës, Wang Yi ,gjatë eventit “Kina në Botë”, në kuadër të Konferencës së Sigurisë së Mynihut (MSC)
Sa i përket qëndrimit të Kinës ndaj krizës në Ukrainë, Wang theksoi se Kina ka mbështetur gjithmonë dialogun, konsultimet dhe zgjidhjet politike. Ai theksoi se kriza në Ukrainë nuk u krijua nga Kina dhe Kina nuk është palë e përfshirë në të, por njëkohësisht as nuk ka qëndruar pasive dhe as nuk ka përfituar prej kësaj krize. Kina ka bërë thirrje të vazhdueshme për zgjidhjen e krizës përmes dialogut dhe konsultimeve.
Kina mirëpret çdo përpjekje të përkushtuar ndaj paqes, përfshirë konsensusin për bisedimet e paqes të arritura midis ShBA-së dhe Rusisë. Vendi shpreson që të gjitha palët dhe faktorët e interesuar mund të marrin pjesë në procesin e bisedimeve të paqes në kohën e duhur.
Wang theksoi se Evropa duhet të luajë një rol aktiv në arritjen e paqes, të trajtojë shkaqet rrënjësore të krizës, të gjejë një kornizë sigurie të balancuar, efektive dhe të qëndrueshme, si edhe të realizojë paqen dhe stabilitetin afatgjatë në Evropë.
