Kina do të dërgojë 416 sportistë në Lojërat Olimpike “Rio 2016” dhe me këtë do të thyejë rekord, si delegacioni më i madh i një shteti joorganizator në histori të Lojërave Olimpike.
Delegacioni kinez do të dominohet nga femrat, do të jenë 256 femra dhe 160 meshkuj dhe së bashku do të tentojnë të marrin më së shumti medalje, që është synimi kryesor i Kinës. Në LO “Londra 2012”, Kina doli e dyta pas SHBA-së në tabelën përfundimtare të medaljeve, shkruan Reuters.
Në “Rio 2016”, vendi me popullsinë më të madhe në botë, do të përfaqësohet në 26 sporte, ka njoftuar Qeveria e Kinës gjatë një ceremonie të mbajtur të hënën në Pekin, ku është zbuluar ekipi olimpik, përcjell Koha Ditore.
Në Lojërat e kaluara, ato në Londër, Kina u përfaqësua me 20 sportistë më pak,pra 396… (b.an)
