Kina zyrtarisht do të përfundojë politikën e saj të gjatë që lejon vetëm një fëmijë, kështu duke lejuar çiftet të kenë dy fëmijë, raportoi media shtetërore. Politika u zbatua për herë të parë në vitin 1980 si një mjet për pakësimin e popullsisë, që ishte në rritje me shpejtësi, transmeton zeri.info.
Kina së pari njoftoi ndryshime në ligj në vitin 2013, duke lejuar çiftet të kenë fëmijë vetëm nëse një nga prindërit ishte fëmijë i vetëm. Aktivistët kanë bërë fushatë kundër politikës në vitet e fundit mes frikës se plakja e popullsisë do të lë boshllëqe të mëdha në fuqinë punëtore.
Grupet e të drejtave të njeriut e kanë kundërshtuar edhe politikën mbi akuzat se ai ka çuar në kontrollin e detyruar të lindjes dhe aborteve. U theksua ky problem muajin e kaluar, pasi një gazetë kineze shkroi për një grua, që ishte nën presion për të bërë abort pasi ishte tetë-muajsh shtatzënë me fëmijën e saj të dytë.
Sipas të dhënave të vitit 2013, mbi 330 milionë aborte janë kryer në Kinë që nga viti kur filluan masat.
