Takimi i 11-të i shkëmbimit të informacionit kundër drogës Kinë-ShBA u mbajt në Shtetet e Bashkuara nga e marta deri të enjten, me pjesëmarrjen e delegacioneve nga departamente të ndryshme prej të dyja palëve, njoftoi të premten Ministria e Sigurimit Publik e Kinës.
Gjatë takimit, të dy palët zhvilluan diskutime të thella mbi gjendjen për sa i përket drogës, heqjen e përmbajtjeve të paligjshme në internet, hetimin e përbashkët të çështjeve, kontrollin dhe menaxhimin e lëndëve kimike dhe luftën kundër pastrimit të parave në rastet lidhur me drogën, sipas një deklarate zyrtare.
Të dy palët e informuan njëra-tjetrën mbi përparimet e tyre të fundit, shkëmbyen opinione e rekomandime dhe identifikuan fushat e bashkëpunimit të ardhshëm. Ato ranë në një mendje gjithashtu të çojnë përpara bashkëpunimin e shëndetshëm, të thellë dhe praktik kundër narkotikëve mbi bazën e barazisë dhe respektit të ndërsjellë.
Ky shkëmbim i informacionit kundër drogës, i nisur së pari në vitin 2002, organizohet me radhë nga autoritetet e kontrollit të drogës të të dy vendeve dhe shërben si një platformë institucionale kyçe për bashkëpunimin dypalësh në zbatimin e ligjit kundër drogës.
