Një ditë më parë polciia ndaloi në Rinas një shtetas izraelit të cilit iu gjet një shumë prej 250 mijë eurosh e padeklaruar.
Shërbimet e policisë ndaluan në hyrje për në vendin tonë, gjatë kontrollit fizik shtetasin izraelit Efim Reichman, 49 vjeç, lindur dhe banues ne Izrael.
Ai udhëtonte nga Moska për në vendin tonë me shumën e parave.
Gjatë marrjes në pyetje nga policia, ai deklaroi se ardhja e tij në Shqipëri ishte me qëllim biznesi dhe se nuk e dinte se duhet ti deklaronte paratë në doganë.
Ai ka deklaruar se donte të bënte biznes me blerje pronash apo fusha të tjera.
“Më kanë thënë që këtu janë mundësitë e mira për biznes prandaj i kisha paratë me vete. ka deklaruar 49-vjeçari.
Gjithsesi ndaj tij hetimet janë në vijim, ndërkohë që materialet iu referuan Prokurorisë së Tiranës për për veprën penale “Mos deklarimi në kufi i të hollave dhe sendeve me vlerë”./a.m.
