Situata te Milani është tepër shqetësuese dhe humbja 5-0 ndaj Atalantas në Bergamo preku ndoshta fundin për shumë arsye: mungesë motivimi, dëshire, por sidomos rendiment tmerrësisht i dobët edhe i atyre që duhet të bëjnë diferencën…
Merkato e janarit do të hapë dyert së shpejti, por ajo që ia vlen të thuhet është se sa mundësi financiare do të ketë skuadra kuqezi për të operuar sa i përket blerjeve? A do të shiten futbollistë apo do të kursehet në rrogat e tyre?
Pyetje që ende nuk gjejnë përgjigje, edhe pse duket qartë se veç Zvonimir Bobanit, asnjë nuk shfaqi fytyrën përpara tv pas poshtërimit në Bergamo. Pikërisht drejtuesi kuqezi, i zhgënjyer dhe hidhëruar nga ajo që ka ndodhur, e di mjaft mirë se çfarë duhet të ndryshojë…
“Gjithçka!”, sipas rrëfimit që tifozi i Milanit, me emrin Luca, që ka edhe kanal personal në Youtube (“Zoçolo Duro”) ka zbuluar. “Takova Boban në Via Turati dhe kishte dalje me të bijën shëtitje… Iu afrova me makinë dhe hapa dritaren duke i thënë: Zorro, çfarë po bëni? Nuk mund të vazhdohet kështu? Ai më tha tekstualisht: Këtu duhet ndryshuar gjithçka, por duhet kohë!”.
Praktikisht, edhe Boban e ka kuptuar se te Milani nëse nuk vjen një revolucion i thellë, qoftë edhe drejtuesish, nuk do të ketë të ardhme!
g.kosovari
