Shumica e ekspertëve thonë se, në qoftë se ju konsumoni një dietë të shëndetshme dhe nuk keni kushte themelore shëndetësore që ndërhyjnë në aftësinë e trupit tuaj për të absorbuar vlerat ushqimore nga ushqimi juaj, në përgjithësi nuk duhet të konsumoni shtesa. Të njëjtat vitamina dhe minerale janë shpesh në dispozicion në ushqimin që ne hamë, transmeton “Zeri”.
Vitamina C
Agrumet janë burimi më i mirë i vitaminës C, e cila vepron si një antioksidues në trup dhe ndihmon në absorbimin e hekurit. Portokajtë në veçanti janë të pasura në vitaminë C, një portokalli i madh përmban rreth 97.9 mg. Është e rekomanduar që meshkujt e rritur të marrin 90 mg vitaminë C në ditë dhe femrat 75 mg. Burime të tjera të vitaminës C janë specat e kuq dhe të gjelbër, kivit dhe domatet.
Kalcium
Lakra jeshile mund të mos duket si një zgjidhje, por ajo është një burim i lartë i kalciumit, i cili është i nevojshëm për kocka dhe dhëmbë të fortë, si dhe për lëvizjen e muskujve dhe funksionin nervor. Vetëm një kokë lakër jeshile ka 150 mg kalcium që është rekomanduar me pak se 10% në ditë.
Vitaminat B
Vitamina B12 përdoret zakonisht për formimin e qelizave të kuqe të gjakut dhe funksionet neurologjike. Vezët janë një burim i mirë i këtij suplementi dhe ekspertët kohët e fundit kanë konfirmuar se vezët nuk duhen shmangur për shkak se kanë përqindje të lartë të kolesterolit. Një vezë e madhe të zier ka 0.6 mikrogram B12, e cila është rreth 10% e vlerës së rekomanduar ditore.
Vitamina A
Vitamina A luan një rol të rëndësishëm në shikim, funksionin e sistemit imunitar, zemrës, mushkërive veshkave dhe riprodhimit. Patatja e ëmbël është burim i shëndetshëm i vitaminës A. Vetëm një patate e ëmbël e pjekur me gjithë lëkurë ka 28.058 (IU) njësi ndërkombëtare të vitaminës A, e cila është 561% e vlerës ditore të rekomanduar, përgatiti Zëri. (b.an)
Vitaminat: A, B, C, D, E
Proteinat: 1.2 g
Mineralet: Hekur, zink, magnez, kalcium
