Luçiano Boçi, duke folur në protestë për A2 CNN, deklaroi se opozita ka bërë detyrën e saj duke denoncuar shkeljet në zgjedhje, “por organet në shërbim të Edi Ramës nuk ka marrë masat e duhura”.
“Ne kemi bërë denoncimet tona dhe ende nuk janë marrë në konsideratë. Ne nuk jemi hetues dhe as policë, jemi politikanë që kemi bërë detyrën tonë me denoncime, por organet në shërbim të Edi Ramës nuk ka marrë masat e duhura. Pasi del rezultati, gjoja veprojnë.
Erdhi në Shkodër dhe mori administratën në takim elektoral, në orën 14:00. Ne e denoncuam këtë gjë dhe nuk u veprua. Çfarë faktesh të tjera kërkoni? Ne jemi forcë politike, jo formacion paramilitar që mbroj diçka që duhet ta mbrojë ligji në fakt. Nëse nuk funksionon kështu, nuk është demokraci”, tha Boçi.
“Këto nuk janë zgjedhje, është zgjedhë ndaj shqiptarëve. Ky nuk është sistem politik, por sistem banditesk dhe kriminal”, shtoi Boçi.
Kur u pyet nëse do të respektohet statuti pas humbjes së zgjedhjeve, Boçi u përgjigj: “Ne do të pastrojmë njëherë Shqipërinë, pastaj do të merremi dhe me statutin tonë. Statuti ka kohën e vet, sot jemi në luftë me Ramën. Duhet hequr në çdo lloj forme që parashikohet në demokraci”.
